Kuva muri nzero 2025, Abasirikare b’uburundi bahora kugarukana amahoro muri Somaliya, ntibazosubira mu murwi w’abasoda bagenda muri ubwo butumwa
Rwa rwego rw’abasirikare bajejwe kugarukana amahoro muri Somaliya rwahora rwitwa ATMIS rukaba kandi rwarigeze kwitwa AMISOM, rwasubiye guhindura izina, ubu rukaba rugiye kwitwa AUSSOM (African Union Support and Stabilisation Mission in Somalia ), nkuko biboneka mw’itangazo riherutse gusohorwa n’akanama k'amahoro n'umutekano 
mw'uwo muryango w'ubumwe bwa Afrika.
Kuva muri uyo mwaka buca dutangura, ibihugu bizoba bijejwe kugarukana amahoro muri Somaliya, bizoba bihurikiye mu murwi w'ubutumwa bushasha bita AUSSOM (African Union Support and Stabilisation Mission in Somalia ). Nkuko bibandanya bimenyeshwa nako kanama k'amahoro n'umutekano kumuryango w'ubumwe bwa Afrika.
Amakuru dukura mu begereye ako kanama, ngo ni uko icatumye uburundi bukurwa muri ubwo butumwa, ngo vyavuye ku kutumvikana kuri hagati y'uburundi n'ubumwe bwa Afrika ku bitigiri vy'abasirikare b'abarundi borungikwa muri ubwo butumwa. Igihugu c'Uburundi kikaba ngo cashaka kurungika benshi mu gihe muri AUSSOM ho bari bipfuza kubaha bake.
Ikindi naco kubwayo makuru, Leta y'uburundi ngo yari imaze gusabwa akatari gake ko ingabo z’uburundi ziri mubutumwa ko zohabwa ibikoresho vya gisirikare bigezweho ngo nkuko ibindi bihugu vyabigenjeje ngo yamara ntibigeze babikora gushika nuyu musi. Ivyo rero ngo bikaba biri mu vyatumye hafatwa ingingo yo gukura Uburundi ku rutonde rw'ibihugu bigiye gutanga ingabo zabwo muri urwo rwego rushasha rwa AUSSOM. Urwo rwego rero rwa AUSSOM, ngo ruzoba rurimwo abasirikare barenga gato ibihumbi cumi na kimwe bavuye mu bihugu bitandukanye vyo muri Afrika harimwo n' igihugu ca Uganda.
Bamwe mubasirikare buburundi bitezwe mu burundi bavanywe murico gihugu, bakaba bafise ubwoba ko bazohava baca barungikwa mu gihugu ca Republika Iharanira Intwaro Rusangi ya Congo, ngo bagaheza bakarwayo ataco bakuyeyo bazira n’ingwano batazi ico izozanira igihugu c’uburundi. Abandi nabo mu banyagihugu batandukanye, bamenyesha ko abo basirikare ngo bateye ikigongwe kubona igihugu kigeze aho kigeze nabo ukamenga siho bari. Bagaca bahrahea bavuga ko nimba abasirikare badashoboye gusubiza ibintu mu buryo mu Burundi, ngo nibashake babonere ayinkware yaboneye kumugezi mu gihugu ca Congo.
Inkuru yanditswe na Don de Dieu MBAZUMUTIMA.