Haruhande y’ibibazo vyo kubura ibitoro, amafaranga yagaciro hamwe n’ibindi vyankenerwa, uyu musi hiyongereyeko ikibazo c’ikena ry’amazi
Igisagara cose kirabangamiwe n’ikena ry’amazi co kimwe n’ayandi makaritiye ahanamiye uwo mugwa mukuru wa politike. Abanyagihugu bamenyesha ko bashobora kumara nk’iminsi iri hagati y’itanu na 10 ata nima ry’amazi rikorotse mu mabombo yabo.
Ico kibazo c’amazi kirangwa aho ku murwa mukuru w’intara ya Gitega, kikaba kiraraje ishinga abanyagihugu baba muri Quartier ya Nyabututsi cane kuko bobo bemeza ko bamaze igihe bataronka amazi kandi batigeze bamenyeshwa ikibazo kihari. Hamwe hamwe hakaba harangwa imishamirano kubito batondeye amazi.
Muri kino gitondo co kuri uyu wa kabiri itariki 25 Ntwarante 2025, abanyagihugu bazinduye bararwanira mu mwonga uri musi y’urusengero rwa Pentecôte barwanira amazi. Ivyo navyo bigatumwa nuko Abantu kubera baba ari benshi baguma barondera gushaka gutanguranwa kugito bagaca baterana amabuye abandi bakakwa ayo baduganye bivomeye.
Nkuko bivurwa nabanyagihugu bo muriyo Quartier, basaba ko ico kibazo cabo cohagurukirwa n’abajejwe intwaro. Nayo mu myidogo yabo bakaba babazwa no kubona kubibazo bafise hiyongereyeko n’ikibazo co kubura amazi. Kubwabo bavuga ko kuntwaro ya CNDD-FDD, atamagorwa abaho batazobona. Ngwaho bigeze ikwiye kubavako bakaruhuka uwo musalaba.
Inkuru na Don de Dieu MBAZUMUTIMA.